दोलखा घटना साम्य पार्नुको साटो माओवादी नेतृत्व यसलाई निहुँ बनाएर अरू जिल्लामा पनि आगो सल्काउने अभियानमा तल्लीन देखिएको छ ।
माओवादी सरकारमा सामेल भइसकेपछि नेपाली कांग्रेस (प्रजातान्त्रिक)ले हुम्लाका सक्रिय कार्यकर्ता नेत्रबहादुर शाहीको दाहसंस्कार गर्नुपर्यो । उनको हत्या गर्ने ६ माओवादीमध्येका एक नन्दबहादुर शाहीलाई साउन १२ गते प्रहरीले पक्रिएर अदालती कारबाही अगाडि बढाएको छ । तर, उनलाई निःर्सत रिहा गराउन उक्त हत्यामा संलग्न मानिएका अर्का माओवादी कार्यकर्ता शेरबहादुर पालको नेतृत्वको माओवादी समूहले स्थानीय प्रशासनलाई अल्टिमेटम मात्रै दिएको छैन, मेलछाम (पिलाङ) प्रहरीचौकीका प्रहरीहरूलाई निर्घाकुटपिट समेत गरेको छ । हुम्लाका प्रमुख जिल्ला अधिकारी मधुसूदन बुलाकोटी भन्छन्, 'हामीले कानुनी कारबाही अगाडि बढाएका छौं । तर, निःर्सत रिहा गर्न चर्को दबाब आइरहेको छ ।' गृह मन्त्रालयका कर्मच्री भन्छन्, 'त्यहा पनि दोलखा घटनाको पुनरावृत्ति हुने सम्भावना छ ।'
२०६३ फागुनमा माओवादीद्वारा अपहरण गरिएका हुम्ला जिल्ला कार्यसमितिका सदस्य शाहीलाई माओवादीले हत्या गरेर कर्णाली किनारामा ङ्खयाकिएको अवस्थामा चार महिनापछि फेला पारिएको थियो । गत असार ५ गते श्रद्धाञ्जली अर्पण गर्न पशुपति आर्यघाट पुगेका नेपाली कांग्रेस
(प्रजातान्त्रिक)का सभापति शेरबहादुर देउवाले झिनो स्वरमा दुःख पोखेका थिए- माओवादीले आङ्खनो व्यवहार नसच्याउने हो भने संविधानसभाको चुनाव सम्भव छैन ।
No comments:
Post a Comment